VAL D’ARAN
Aran arrecep eth certificat oficiau coma Resèrva dera Biosfèra
Representants dera Val, pendent er acte en Palai d’Espòrts. - CONSELH GENERAU
Eth Palai d’Espòrts de Vielha acuelhec er acte d’autrejament deth certificat oficiau dera Val coma Resèrva dera Biosfèra pera UNESCO, que place ath país coma territòri referent entar impuls de bones practiques en desvolopament territoriau, ambientau e socioeconomic. Era celebracion compdèc damb es còlhes de dances d’Aran. Pera sua part, era Sindica, Maria Vergés, assegurèc que “èm en bon camin tà hèr d’Aran un territòri damb futur entara sua ciutadania”.
