Milhores en sanejament e hilat d'aigua de Vielha

Vielha se trape en tot finalizar es òbres de milhora deth hilat de subministre d’aigua potabla e de sanejament dera avenguda Baile Calbetó Barra. Era actuacion a permetut de modernizar aguesti servicis basics abans dera arribada der iuèrn. Ath delà, tanben s’a milhorat eth paviment des trepadèrs. Aguestes actuacions an compdat damb un pressupòst de 191.756 èuros e an estat finançades damb ajudes dera Deputacion.