Talhèrs de poesia en aranés enes escòles dera Val d'Aran

Er Airau de Lengua deth Conselh Generau, a peticion des mèstres des centres educatius dera Val, aufrís talhèrs de poesia as alumnes, damb eth prètzhèt de promòir era creativitat literària des estudiants e desvolopar eth jòc e coneishement dera lengua a trauès dera poesia. Eth cicle de talhèrs s’a iniciat aguest mes de gèr jos eth nòm Un maitin bestiauuu!, qu’a compdat damb era participacion des estudiants deth cicle superior dera Escòla de Sant Ròc de Bossòst. En corsi anteriors, eth Conselh Generau dejà organizèc talhèrs d’escriptura creativa en aranés.