ELECCIONES
Institut d'Aran | Èm joeni, non podem votar, mès volem èster escotadi
Publiquem una sèrie de reportatges en els quals alumnes d’ESO, FP i Batxillerat, la gran majoria dels quals no poden votar al no haver complert els 18 anys, exposen propostes per al seu municipi
Senhors politics d’Aran, coma joeni aranesi, auem era oportunitat de hèr-vos arribar es nòstes demanes entà milhorar eth país, son mancances centrades tant a nivèu comarcau coma municipau. Demorem siguen escotades e tengudes en compde. Dilhèu sò que trapam mès en fauta ei un camp de fotbòl en Vielha. Tanben credem qu’ei plan important que i age installacions esportiues gratuïtes. Un aute punt fonamentau ei era mielhora deth transpòrt public (augmentant oraris e freqüéncia) e qu’arribe en toti es pobles. Ampliar era ofèrta academica ei vitau.
Calerie hèr mès pression ath Departament d’Ensenhament entà auferir eth bachelierat artistic e ampliar era ofèrta de cicles formatius en Aran. Auem observat qu’en nòste territòri i a ua mancança d´activitats culturaus e esportives juvenils. E entà acabar, era creacion d’un conselh consultiu juvenil serie un bon punt de partida. Auem fòrça idies e causes tà díder e hèr. Deishatz-mos-i participar!
Creacion d’un camp de fotbòl èrba en Vielha
Ei fòrça important e imprescindible un camp de fotbòl èrba en Vielha. Volem es madeishes oportunitats qu’en d’auti municipis e se se vò potenciar er espòrt e crear un espaci de sociabilizacion e recreacion, aguest ei eth prumèr pas.
Activitats estiuenques e creacion de centres joeni
Demanam as ajuntaments e ath Conselh Generau que vagen dera man ena organizacion d’activitats d'ostiu entà nosati e pensam qu ́ei fonamentau era creacion d ́espacis joeni en toti es municipis, coma lòcs de retrobament.
Milhora deth transpòrt public
Ampliar era ofèrta academica
Era ofèrta academica ei fòrça limitada, aufrir eth bachelierat artistic en institut d ́aran e ampliar era ofèrta de cicles formatius, ajudarie economicament as familhes pr’amor non mos calerie marchar dera Val entà estudiar.
Milhora deth Palai de Gèu e prètzi mès assequibles
Ei de besonh milhorar es intallacions deth Palai de Gèu de Vielha, atau coma ampliar es oraris e ofèrtes d’activitats dirigides. I aurie d ́auer tanben mès ajudeseconomiques entà toti es joeni dera comarca tà poder-i accedir.
Volem mès espacis d’òci juvenil
Ena Val d’aran non i a cap lòc d’òci entà menors. Pes tardes e dimenjades non sabem a on anar. Serie fòrça positiu tà nosati que i auesse bèth pub o bar musicau que daurisse es dimenjades pera tarde.
Estudiants de 4 d’ESO der institut d’Aran.
