ACCIONAR O REACCIONAR
Socialistes de dretes
![Socialistes de dretes](https://imagenes.segre.com/files/image_large/uploads/2023/08/31/64f0f46254510.jpeg)
Socialistes de dretes
T
ostemp e confiat en que ei “eth temps” eth melhor jutge de toti entà esclarir era vertat. Tanben ena politica!!! Rebremben es lectors e lectores es etiquetes que pendent ans es socialistes an metut a Convergéncia entà tapar era clara centralitat deth projècte polític que representaue CDC e ara represente eth Partit Democrata? “Vostès son de dretes”, “vostès pacten tamb era dreta mès rancia” Rebremben coma mos sentencièren peth pacte “deth majèstic”? Aguestes e fòrça mès èren frases que en dia a dia es convergents auiem de sénter injustament d’aqueri que didien èster d’esquerres e eth socialisme semblaue era supremacia ideologica mès benestant entath ciutadan.
Coma a canviat tot! Se fòrça d’aquera gent (aranesi e araneses) - que luitèren pera democràcia, contra eth franquisme e que vedèren as govèrns Convergents (ara Partit Democrata) crear un progrès contonhat en Catalonha e Aran - vedessen aquerò qu’a passat e pògui dies mostrarien sorpresi era sua indignacion e constataríen coma ara aquera supremacia ideologica que eri en didien socialisme s’a enterrat pendent fòrça ans. Eth socialisme espanhòu s’a destapat. E ac a hèt perquè sa’n equivocat, an negat quauqu’arren tant lògic e democratic coma poder votar. Negant aguest referendum non an trapat era excusa en Partit Democrata - “abantes (Convergéncia)- e ara non i a culpables. Ara es socialistes son es culpables! Qui ei auè mès de dretes? eth socialisme o eth partit deth President Puigdemont? Sense dobte eth men gran amic “eth temps”, torne a èster eth melhor jutge, quan parle (eth temps) sentencie e ara ac a hèt mès que jamès. Ara mos a mostrat era vertat. Eth President dera dreta ei President gràcies as socialistes!