ACCIONAR O REACCIONAR
Trump & Company
![Trump & Company](https://imagenes.segre.com/files/image_large/uploads/2023/09/01/64f121d3221da.jpeg)
Trump & Company
Fin finau, dempús de mès d’un an de campanha electorau enes Estats Units d’America, Donald Trump serà eth nau President. Serà eth lider d’occident e serà era persona tamb mès poder deth mon.
Totes aqueres persones que non son d’acòrd tamb aguesta eleccion, sonque dider-les que es ciutadans e ciutadanes des Estats Units la’n escuelhut e per tant, se s’estime era democràcia, s’accepte eth resultat, cas contrari non ei democràcia.
Çò que mès me sorprèn ei qu’arres demoraue que guanhèr-se! Impressionant! Sabetz qui ei Hillary Clinton? Sabetz que representen es Clinton enes EEUU? Jo tostemp darè supòrt ath Partit Democrata mès, non a Hillary Clinton. Sense dobte eth men candidat escuelhut auer-se estat Bernie Sanders. Guardetz trajectòries personaus e politiques e vo’n daratz compde dera diferéncia. Atau ac publiquè en un Tweet!
Mès, un aute viatje, er establishment de Wall Street imposèc era candidata e ara fòrça d’eri ja son negociant ena Torre Trump de New York es sòns pròpi interessi. Aguesta ei era hipocresia der establishment. Aguesta conducta ei era que detestam e castigam. Hillary sonque representaue “mas de lo mismo”.
Imaginetz enquià quin punt ei emprenhada era gent, que priorizèc trincar tamb tot a dar sentit as insults de Trump as hemnes. Increible! Ah, toti aqueri que se sorprenen tamb era victòria de Trump tanben dider-les que dèishen de gaudar-se eth melic e comencen per guardar qui guanhèc es eleccions en Espanha, qui gobèrne en Hongria, qui ac pòt hèr en França e que vòten es tant exemplificats païsi nòrdics. Igual ei que quauqu’arren està canviant o ben que hèm tant inteligents que nosati hèm peth dessús de toti. Estam coma entà dar leçons!!!