Generacion “mi-mi”

Pendent es darrèrs ans auem sentut a parlar fòrça dera generacion “ni-ni”. Diuèrsi expèrts an sajat d’explicar eth perquè e en que se fonamente era definicion sociologica deth tèrme. Mès, dera generacion “ni estudio, ni trabajo”auem passat, - peth comportament dera societat e era abséncia de respòstes d’aguesta - a ua desconexion cada viatges mès grana dera colectivitat.

Auem sentut a parlar dera “adultocràcia” e eth mau qu’aguesta a hèt en tricament dera escala de valors e coma a provocat era inondacion sociau de perspectives negatives deuant d’un present accelerat.

Era manca de credibilitat, era “mentira” sociau, er aluenhament des espacis institocionaus de gobernança globau, era mutacion deth sistema capitalista entà non canviar arren, era imposicion deth dogma universsalista, era manca de lideratges e sustot era mancança de projèctes de respòsta des dera proximitat estan provocant un major individualisme globau.

Aguest individualisme se potencie e se mòstre a trauèrs des esturments tecnològics e sociaus d’arribada planetària a on se pòt constatar ua major projeccion dera persona, ua major projeccion dera critica individualista non organitzada enmiralhada ena pròpia societat.

Era desconexion provocada pera “adultocràcia” potencie es elements de proteccion individiuau e da projeccion ena implantacion en ua cultura de “mi vida, mi futuro”. Non podem extranhar-mos donques dera emergéncia de lideratges que protegissen ara persona de manera individuau peth deuant d’aqueri que persuten ena proteccion colectiva. Era pèrta de corresponsabilitat colectiva dar lòc a ua naua generacion, era “mi-mi”.