Euròpa se trinque

Alemanha, França e Itàlia an decidit, tamb eth sotmetiment d’Espanha -que cau díder non ei d’acòrd- dividir Euròpa.

Ei estonant qu’eth discors des tres Estats líders dera UE sigue “volem enfortir Euròpa”, “ua Euròpa a favor des ciutadans”. Tot mentida.

Ua Euròpa coma eri en diden a dues velocitats sò que provocarà ei hèr ciutadans de prumèra e de segona, çò que provocarà ei enfortir es mercats economics europeus líders e aprofita-se’n dera resta.

Entà enténer era mia posicion sonque cau hèr cas a informes oficiaus en geopolitica. Es païsi emergents passaràn peth dessús se prevee en 2030. Eth Capitalisme de Mercat se debilitarà respecte ath Capitalisme d’Estat e sonque quedarà Alemanha coma potencia europea mondiau. Alemanha ei amenaçada e aprofite era sua posicion dominant ena UE entà imposar es sòns interèssi nacionaus peth dessús des interèssi colectius.

Dividir Euròpa ei tornar entà darrèr! Rebrembetz es dues Alemanhes, es dus ordres mondiaus enquià principis des 90 (Capitalisme & Comunisme), Estats Units & URSS, tot èren divisions. Era globalitzacion Europea ei amenaçada per un nau ordre mondiau. Dividir serà un error de conseqüències socioeconomiques enormes.

Sò que cau ei, ua Euròpa ena qu’es Estats perden sobirania en benefici des ciutadans, ua democràcia dirècta entà escuélher as sòns dirigents e preservar es valors que impregnen eth vielh continent. Açò se hèr a trauèrs d’ua naua conceptualitzacion dera Euròpa des Pòbles. Mès sonque ua Euròpa. Sense classes, sense categories e sense division. Dividits non poderam hèr frònt as grans reptes mondiaus coma son eth Progrès, eth Canvi Climàtic, era praubesa o luitar en favor dera patz.