ACCIONAR O REACCIONAR
N-230, èster o non èster
![N-230, èster o non èster](https://imagenes.segre.com/files/image_large/uploads/2023/09/09/64fc4086f33c2.jpeg)
N-230, èster o non èster
Vos e de hèr ua confession personau; è canviat. Veigui es causes de manera diferent. Perquè? Donques perquè aprenem, reflexionam, artenhem mès coneishements, auem mès temps entà dedicar-li as causes importantes e sustot daurim es uelhs, era ment e podem analitzar es causes tamb ua perspectiva que ben era edat, era experiéncia, es naui coneishements o es naues interpretacions des hèts mos configuren ua realitat mès actuau ara que podíem pensar hè un temps. Eth mon està canviant, era economia està canviant, era politica està canviant, es actors estan canviant e eth futur ja non ei futur, ei tot just saber víuer e adaptar-se a un present cada viatge mès ràpid en eth que es pilars tamb es que mos an educat non an arren que vèir tamb era liquidesa des actuaus. En d’autes paraules, ja sò en an 2017.
E qu’a que vèir açò tamb era N-230? Donques es formes d’exigir-la e era vision estrategica qu’a entà Vielha e entà Aran. Èm en ua societat de blanc o nere, non accepte matisi, se volem auer ua naua N-230 o canviam es formes de coma ac auem hèt enquiara o non mo’n gesseram. Einstein auie rason, “se vòs resultats diferents hè es causes de forma diferent”.
Mos jogam era nòsta seguretat e mos jogam eth futur d’aqueri que guardan entà baish, mos guarden e admiren coma protectors des sòns interèssi. Ath pas que vam, quinsevolh destín internacionau serà mès atractiu, mès segur e mès barat que vièr entara Val d’Aran. Un detalh, en dia d’auè anar tà New York ei mès barat e mès segur que vièr entara Val d’Aran. En pòc temps anar entàs Alps o ua auta part deth Pirinèu serà mès barat e atractiu que vièr entara Val d’Aran. Coma tostemp, alavetz correram!