Educacion en Aran

Se analitzam eth microsistema educatiu qu’auem en Aran segurament mo’n daram compde qu’auem cubèrt era totalitat dera formacion basica qu’era persona a de besonh (escòla mairau, primària, secundària, professionau, adult e extraescolara).

Non vau a entrar ena qualitat deth sistèma ja que segurament non ei a gust de toti e totes, mès cau díder, que complís e inclús supère es ratis oficiaus. Quin sistèma educatiu en mon, garantís cinc idiòmes ena finalitzacion dera secondària? Tanben mo’n dam compde qu’era formacion d’adults, artenh uns ensenhadors de qualitat e d’aufèrta excelents a adaptats as besonhs deth mercat professionau e de demanda existenta en Aran.

Mès, non pensam en hèr arren entà auer estudis universitaris? Non credem positiu crear ua comunitat universitària? Jo personaument ac trapi imprescindible. Per un costat positiu entà toti es aranesi e araneses qu’an hèt estudis universitaris dehòra e non trapen oportunitats entà tornar e per un aute incremente eth nivèu de critica e d’exigéncia e aufrís ara societat esturments d’analisi e decision que dar era oportunitat de decidir sus eth futur d’Aran en foncion de variables academiques e cientifiques e non intuitives o de part coma en gran part se hèr en aguest moment.

Auem un cicle enganhós. Es famílies guanhen diners en País e les invertissen entà qu’es sòns hilhs o hilhes estudien dehòra, era majoria d’aguesti non pòden tornar per manca d’oportunitats. E alavetz? D’aguest talent se’n aprofiten d’auti e tornam ar inici deth cicle. E fòrça gent inclús pense qu’aguest cicle, sense eth nau talent generat se mantierà tostemp. Mentre Baqueira Beret contonhe coma enquiara ja auem era excusa.