Open Education

Open Education respon a un anglicisme que vò díder “Eduacion Dubèrta” o ben “Educacion en Dubèrt” sò que ben a èster ua naua tendència entà qu’eth coneishement coma element educatiu, instroctiu, de formacion contonhada o ben especialitzada sigue ara man de tota era societat, de toti e de totes sense cap distincion de poder adquisitiu, sense barreres d’entrada e sense requisits d’accès. En d’autes paraules, ja a arribat era possibilitat d’estudiar, d’aprohondir coneishements, d’especialitzar-se o ben d’incrementar era nòsta basa formativa tant a nivèu personau coma a nivèu gropau. Ère er an 2010 quan des dera Universitat d’Standford se retransmitie per prumèr viatge ua classe magistrau entà tot eth mon. Ara fin, se daurigen es pòrtes deth coneishement en sòn mès ampli sentit e concèpte. Universitats de tot eth mon (Harvard, Stanford, Massachusetts Institute of Technology e en Catalonha era UdL, UB, era UAB ... e fòrça d’autes), es mès granes e melhors escòles de negocis deth mon (IESE, ESADE) e d’autes, aufrissen auè, era possibilitat de formar-se, d’especialitzar-se o ben d’ampliar coneishements a toti es que entenem qu’era societat d’auè exigís d’ua formacion contonhada e ampliada ath long de tota era vida laborau. Ara se pòt hèr a trauèrs des MOOC (Massive Open Online Courses) formacion en dubèrt (on-line) e de franc. Òc coma ac sentetz, sense cap còst!!!

Tostemp e creigut qu’en Aran manque ua comunitat universitària. Cada viatge ei mès apròp. Coma dejà escriuí, en Aran auem ua gran aufèrta educativa, mès ei clau crear naues oportunitats entà toti e totes. Podem èster ath deuant dera hièstra que hèsque possible era igualtat d’oportunitats entà toti e totes.