Negacionisme ‘cool’

Ath long dera istòria era practica deth Negacionisme entà evitar debats, canvis e sustot entà negar drets a estat freqüent. Auem exemples de coma s’utilizèc (eth negacionisme) ena luita peth dret ath sufragi universsau, peth dret ara igualtat d’òmes blancs e de color, peth dret ara igualtat entre hemnes e òmes, ena transformacion de democràcies clientelistes a democràcies modernes e d’auti.

Deuant dera metamorfòsi que viu eth mon (tèrme d’Ulrich Beck), era practica deth Negacionisme torne a visualitzar-se. Entre fòrça exemples vo’n visualitzi un, eth negacionisme de Trump tamb eth canvi climàtic. A escala locau auem d’auti exemples, es impulsors deth 155 nèguen era democràcia, nèguen era justícia e nèguen progrès. Era abséncia d’intelectualitat entà crear alternativa empusse ath progressisme clàsic ath Negacionisme. Ac disfracen tamb interèssi individualitzadors e tamb era aplicacion discrecionau de Leis que eri madeishi dominen. Es grans canvis tornen a èster objècte deth Negacionisme. Qu’era dreta mès dreta defense aguest postulat ei lògic mès, qu’ac defense es que diden èster es guardians deth progrès, non dèishe d’ester vergonhós e umiliant entath pòble aranès e catalan. Supausi que tanben va d’aquerò, d’umiliar.

Eth dia 21 auem era opcion de dar supòrt ara practica Negacionista cool, o ben, dar supòrt as valors mès prohonds d’ua democràcia modèrna a on es persones èm er objectiu e non er esturment. Jo votarè tamb ambicion d’èster liure e aranès. Jo votarè entà que torne eth President Puigdemont e eth govèrn legítim que mos an panat. Ath delà combatirè ar autoristarisme tamb valors prohondament pacífics, democrates e sobirans a trauèrs des urnes, coma tostemp.