Criptomoneda

Eth Bitcoin, Litecoin, Ethereum e fòrça d’autes, son monedes que sònen tamb fòrça enes darrèrs mesi. Què son? Qui me pòt ajudar? Entà hè’c fácil vos dirè qu’ua Criptomoneda non ei arren mès qu’un “element” intangible, tamb fòrça valor, d’intercanvi econòmic a trauèrs dera tecnologia en cadena (Blockchain).

Vos darè un exemple. Imaginetz qu’eth vesin a un producte que desiratz crompar. Eth vesin, pera sua part aqueth producte le vò véner. Toti dus acordatz non anar tara entitat financèra dera que hètz clients entà que non vos croben per aquera transaccion. Deciditz hèr aquera crompa/venta a trauèrs d’un “element” que vos servís as dues parts. Barratz era operacion! Ventatges? Mès barata (non i a intermediaris), mès rapida e mès facila.

Eth que compre ua criptomoneda està comprant un “element” que crompe fòrça mès gent en tot eth mon. Aquerò provòque millions de persones. Cada viatge que s’utilitze crèish eth sòn valor. Eth refugi deth valor d’aqueth “element” ei sò que diferencie a ua o ua auta criptomoneda.

Es avantatges? Dèishes d’auer intermediaris que te croben per tot (es bancs) e dèishes de depéner des devoradors deth sistema (BCE). Aquerò hèr que sigue fòrça mès barat, fàcil e àgil. Ath delà ei fòrça mès segur qu’era moneda timbrada actuau.

Eth perilh? Cau liéger eth protocòtle dera moneda entà crompar-la. Tanben calerà vèir coma reaccione eth Capitalisme ara perta progressiva de poder monetari en mon. Peth moment, se preguntatz ena vòsta oficina bancària vos diràn que ei un perilh, que non i arren darrèr des criptomonedes e que coma non ei regolat reventarà. Provetz! Pensetz, que eri son es de tostemp!

En Aran i a un “element” propici entà crear ua Criptomenda pròpia. Se deishèssem d’aucir ath vesin e en siguessem amics guanharíem toti e totes.