Eth finau en Facebook

En junh deth 2007 me incorporaua a ua plataforma de relacion sociau nomentada Facebook. Per precaucion ac hèja tamb un pseudònim. En octubre de 2008

, me incorporau tamb eth men perfil de manera definitiva. Me sumergia en un mon de relacion sociau impressionant, dinàmic, divertit, globau e sustot dubèrt. Aqueri condicionants me animèren a hèr des Hilats Sociaus era mia manera d’explicar ara gent (amics/gues o ben followers) era mia activitat diària

Ans mès tard entení que a banda d’explicar, es hilats sociaus, me permitien compartir. Se me dauric un nau paradigma que m’enamorèc. M’apassionèc era idia de compartir coneishement, critica, trebalh, opinion, pensament, posicionament e tecnologia que, amassa tamb er objectiu d’explicar-me, creauen ua atmosfera perfecta entà poder arribar a mès gent e sustot ajudar ena transformacion sociau e culturau que es hilats sociaus dejà estauen provocant en tot eth mon. Mès, enes darrèrs mesi an succeït un hilat de causes que de bèra manera m’a hèt decidir marchar de facebook. Auè, Facebook non me pòt garantir era mia seguretat, no pòt garantir que non m’utilitzaràn entà objectius es quaus non desiri, ne tampòc me pòt garantir era mia privacitat. Aguestes son linhes vermelhes que non deishi ne deisharè que se poguen traspassar. Es dades personaus s’estan convertint ena matèria prima dera economia globalitzada. E tamb es mies que non compden se jo non ac permeti. Non dèishi es hilats sociaus, dèishi facebook! Serà enes darrèrs dies deth mes d’octubre. Contunharè igual d’actiu (compartint tamb toti e totes) enes autes plataformes sociaus, que i sò, e demorarè ara creacion d’ua naua que m’aufrisque es garanties minimes que coma persona e ciutadan e d’auer.