Erós 2019

Èm enes pòrtes d’entrar en un nau an. Un an que prevèigui fòrça actiu e “entretengut” en toti es àmbits (polític, sociau, economic e tecnologic).

A nivèu políti, serà an d’eleccions, e m’atrèvi a díder que, serà plenament electorau. Aqueres que tòquen per agenda (eleccions ath Conselh Generau d’Aran, municipaus, autonomiques e europees) e d’autes que en foncion de variables democratiques e politiques mos pòden arribar (eleccions ath Parlament de Catalonha e Eleccions Generaus der Estat). Un an de “participacion politica”.

A nivèu sociau prevèigui (principaument en Catalonha) ua participacion activa enes carrèrs fòrça viua e reivindicativa tamb es valors mès nòbles d’ua societat democratica. A nivèu globau, era reivindicacion d’ua societat mès igualitària e d’oportunitats entà toti e totes, serà mès nombrosa. Es moviments migratòris a nivèu mondiau anaràn en augment e contunharà sense èster resòlta era sua gestion. A nivèu economic podem arribar a víuer un “dragon Khan”. Un increment dera inestabilitat economica e financèra globau e fòrça “postureo” per part des caducs Estats-Nacion, sus tot dera man deth President Trump, que viuerà eth sòn tresau an de mandat sense dominar eth Congrès des EEUU.

A nivèu tecnologic serà un an de transicion fòrça important abantes que arribe era disrupcion tecnologica que transformarà variables que dejà se trapauen en ua laténcia “liquida”. Era inteligéncia Artificiau, era tecnologia Blockchain e era lèu arribada dera Tecnologia 5G seràn elements que anaram liegent tot soent enes meis digitaus e convencionaus.

Tot amassa incrementarà era individualitzacion dera societat. Es reptes que dejà auem seràn un shinhau mès trascendentaus, cada dia, e tot demorarà per resòler. Tamb aguest “divertimento” vos desiri en erós an 2019 a totes e toti.