Era UE se trinque

Hè ans que defensi ua Euròpa des pòbles. Era Union Euròpea (des Estats – Nacion) està plaçant a Euròpa, coma territòri ath quau senti un fòrt sentiment de pertinença, as pòrtes deth trincament comunitari.

Era sobirania dera figura institucionau der “Estat”, que fòrça persones defensen per drapèu e autoproteccion e que abandone eth progrès personau e collectiu, cada dia a mens poder de decision. Es Estats estàn cedint sobirania ara governabilitat europèa conjunta.

Aguesta cession, de sobirania, entà ua governança globau (europèa), poderie èster positiva se aguesta, se sustentèsse ena defensa des persones, dera igualtat e dera justícia sociau coma espaci de libertat individuau e collectiu. Mès aguesta governança europèa sonque siguec pensada en tèrmes “neocapitalistes”, ei a díder, tamb er únic objectiu de guanhar mès e mès diners, e uns pògui auer mès e mès poder. Jamès pensèren ena persona coma “subjècte” viu. Era conseqüéncia ei que fòrça gent a arribat a pérder es elements que configuren e dan sentit ara nòste existéncia coma persones.

Producte d’aguest trincament sorgissen elements d’autoproteccion e autodefensa, entà fòrça persones, coma pòt arribar a èster es partits d’extrèma dreta. Fòrça persones se refugien en un discurs facil e radicau. Se senten enganhadi e desprotegits peth sistèma. Non arribaràn a sentir-se representadi per aguesti, mès creen que sonque eri les pòden ajudar a mantièr es intangibles que tota persona auem.

Era alternativa ei transformar eth corrupte sistèma europèu actuau en un sistèma que projècte ara persona, que sigue representatiu dera individualitzacion e dera colectivitat, tamb er objectiu de mantièr viua era comunitat. En moment que deisham de pertánher a ua comunitat començam eth tribalisme.