Estat d'emergéncia

Viuem ua Emergéncia Climatica! Euròpa, e eth mon, ei en estat d’Emergéncia Climatica. Declaracion deth Parlament Europeu a dia 28 de noveme de 2019.

Era Union Europèa coma institocion de gobernança globau, e es Estats coma membres solidaris, aurà de méter ath dessús dera taula accions, actuacions, prepauses, legislacion, impuls e incentius entà minimitzar es efectes der escauament globau que patís eth Planeta e que, per tant, patim toti e totes.

Era COP25, eth somiu mondiau deth Canvi Climàtic, amassarà en Madrid as principaus agents públics e privats que pendent detz dies debateràn, acordaràn e impulsaràn accions en aguesta linha. Paralellament daràn compde deth compliment des Acòrds de París. Aguesti dus elements amassa tamb eth crit en carrèr de millions de joeni e joenes (#FridaysForFuture) de tot eth mon, auràn de hèr efectiva ua “Carta de compromisi” que se sotmeterà a analisi de compliment.

Era indústria, e era empresa coma esturment de desvolopament economic, a de hèr frònt a un gegantín desafiament. A d’assomir eth rèpte de substituïr eth plàstic ena cadena de produccion e qu’es solocions que le substituïsquen siguen viables tecnica e economicament. Ath delà, tanben, a de trebalhar entà redusir, enes procèssi d’aguesta cadena de produccion, era emission de gasi d’efècte ivernacle. Ei imprescindible, coma hè nomentat en mès d’ua escadença, compartir eth coneishement. Aufrir es recorssi de besonh, promoirà era efectivitat deth canvi e artenharam es objetius que mos auem plantejam toti e totes.

Nosati, coma persones e ciutadans, mos auem de convertir en agents d’efectivitat sostenible. Depèn de nosati! virar-mos d’esquia ei egoïsme.