Ciberseguretat (I)

Totes es dades demòstren qu’es atacs informàtics s’an incrementat exponenciaument enes darrèrs ans, tant a empreses privades, administracions publiques coma en àmbit domèstic. Segontes publique er INCIBE (Instituto Nacional de Ciberseguridad), eth 95% des incidéncies en ciberseguretat se deuen a errors umans. S’aprofiten deth desconeishement en tèrmes de seguretat informatica. Ad aguesta practica se la coneish coma Enginheria Sociau, artenhen informacion confidenciau, accès a diuèrsi sistemes d’informacion e inclús credenciaus a trauèrs dera manipulacion des usuaris.

Un aute dia vos explicarè es tecniques utilizades ena practica dera Enginheria Sociau: phishing, vishing, baiting, smishing, hilats sociaus.

Auè vos trasladi quauqui conselhs en çò que tanh as contrassenhes qu’utilitzam entà accedir ara multitud de plataformes e aplicacions informatiques e tecnologiques en nòste dia a dia. Prumèr: Evitem qu’agen mens de ueit caracters; dusau: Utilitzem letres e numeròs, tanben majuscules e minuscules intercalades; tresau: Evitem que siguen faciles (ex: 12345678); quatau: Evitem utilitzar referéncies personaus (ex: data neishement, anniverssaris, nòms, eca); cincau: Non utilitzem era madeisha en diuèrsi lòcs, tostemp la podem canviar; siesau: Se mos còste rebrembar-les totes, existissen gestors de contrassenhes sense cap còst que faciliten er accès.

Entà que siguetz conscients dera importància des conselhs anteriors, existissen bases de dades tamb es passwords mès utilitzadi, vos sorprenarietz sabent que se non vos predatz en melhorar es vòsti accèssi en tot auer contrassenhes ben gestionades, es qu’auè estatz utilitzant dejà les saben era majoria. Ei sonque qüestion de temps que pogatz auer beth espant.