Nissan, eth destape

Hè quaranta ans era empresa nipona Nissan, decidic installar en Barcelona era soleta planta de tota Euròpa. Malerosament ara se deslocalitze.

Mès, non sonque s’en va ua gran marca automovilistica mondiau, se’n va un ecosistema industriau que genère er 1,3% deth PIB de Catalonha e eth 7% der ensenhador industriau. Mès de tres mil trebalhs afectats directament, e ath torn de vint mil indirectament. Ath torn de quate centes cincuanta empreses, der ecosistema, auràn de barrar.

Es reptes tecnologics que mos apremien e eth cuert placisme tamb eth que se trebalhe, s’an convertit enes prioritats destacades deth sistèma públic. Artenhèrem auer Mare Nostrum, retièr eth Mobile World Congress, crear un districte entara creacion d’un HUB Tecnologic en Catalonha e auem artenhut que milers de startups hèsquen de Barcelona un pòl tecnologic a nivèu mondiau. Mos a passat que, tant mos a seduït era idea de crear, qu’auem deishat de prioritzar e mantièr un sector, era industria, qu’ei clau entara riquesa d’un País.

En aguesta linha, era crisi sanitària que patim tanben mos a deishat ath descubèrt es mancances entà non èster completament depenents. Tot, mos obligue a trèir-ne conclosions. Es hites istoriques constaten que cadua des crisis economiques que patim ei fòrça mès important qu’era anteriora e, alerta qu’auem ath dessús era amenaça dera crisi climatica, aguesta tamb efectes irreversibles. Era Union Europèa (Next Generation EU) mos aufrís ua naua oportunitat, non la desaprofitem!