Espaci-Temps

Enquiara, eth coneishement l’auem aportat individuaument. Aguesta manera d’actuar a hèt deth mon ua constant e, m’atrevisqui a díder, un lineau en espaci-temps evolutiu.

Mès, auè dejà podem constatar e demostrar qu’er espaci-temps terrenau a superat era velocitat dera evolocion e mos pòrte as societats, e as persones principaument, ara obligatorietat dera suma d’inteligéncies. Quan aguesta non se produsís, eth lineau espaci-temps terrenau se doblegue creant dus mons paral·lels; un, en quau era adaptacion s’accelere e s’artenhen es objectius individuaus e col·lectius e, un aute, que contunhe sense canvis, aluenhant-se cada viatge mès deth prumèr, mès tostemp conviuent amassa. Mark Klein (Investigador deth Centre entara inteligéncia colectiva deth MIT) ac certifique “a més gent, mens errors”. Internet, era tecnologia inteligenta e era naua societat basada en coneishement, son es pilars d’aguesta transformacion evolutiva der espaci-temps. Era impossibilitat d’accès d’ua part deth mon as esturments que mos permeten endreçar eth lineau, ara trincat, mos portarà a mès desigualtat, més individualisme e més autoproteccion, limitant eth progrés, creant conductes e comportaments extrems e destruint era empatia intergeneracionau e umana. Estam viuent “era mòrt dera distància”, punt de non retorn.