Es uns e es auti

Quan dejà pensauem qu’ac auiem vist tot ena pugna entre era Generalitat de Catalonha e es institocions der estat, arribe un nau episòdi, aguest viatge tamb eth dia des eleccions. Comence a semblar era istòria sense finau.

Pendent fòrça setmanes eth Govèrn de Catalonha proclamaue e explicaue qu’ac auie tot premanit entà celebrar es eleccions eth dia 14 de hereuèr. Cau rebrembar que son ues eleccions non convocades peth President dera Generalitat, que en un acte sense sentit deishèc penjada ua pancarta e qu’er estat aprofitec ena confrontacion permanenta entà hèr sang politica.

Dies dempús dera convocatòria, era Generalitat e es principaus partits, non toti es que se presenten ja que eth PNC (Partit Nacionalista de Catalonha) non mos deishèren participar dera decision, decidiren suspéner es eleccions a excepcion deth PSC.

Ara, eth TSJ mos ditz que les cau hèr eth dia 14, mès encara pòt canviar. Quan demore mens d’ua setmana entà que s’inicie era campanha electorau era ciutadania se trape perduda, enganhada e desconectada. Perilh maxim que mos pòt portar a auer un Parlament molt complexe de gestionar politicament ara qu’ei quan era ciutadania mès ac à de besonh.

Des deth PNC, tamb Enric Gracia liderant eth projècte des Terres de Lleida e eth Pirinèu trebalharà eth e eth sòn equip, deth quau en formi part, entà tornar era dignitat as institocions catalanes e era personalitat a Lhèida e er oxigen ath Pirinèu.