Pablo Hasél

Pablo Hasél a estat empresoat per ua cançon, encausat per enaltiment ath terrorisme. Segurament se liegem eth contengut dera cançon atau coma es tweets motiu peth quau a estat condemnat, sense contextualitzacion musicau, culturau, sociau, politica e creativa, ei fòrça facil er analisi. Segurament atau ac a hèt era judicatura entà arribar ara comdemna impausada.

Mès, non ei lògic qu’era judicatura, e era justícia coma sistema, non contextualitze ua cançon e hèsque veridicte coma se eth carrèr non existisse, es estuments de progrés des que mos auem dotat non existissen e se coma es umans non auessem elements que mos botjen e conviden ar activisme deuant de tanta barbarie sagnant d’un sistema polític e institocionau qu’està destrossant eth futur de milers de persones, entre eri es mès joeni.

En ua societat modèrna, ei imprescindible estructures d’estat modèrnes capables de flexibilitat e adaptabilitat ara lectura reau d’aguesta madeisha societat. Quan aguesta capabilitat manque, era percepción e interpretacion dera ciutadania tostemp se produsís des dera imposicion d’un sistema barrat, caduc e autoprotector en benefici deth pròpi sistema. Eth bucle s’autoalimente, es extrems s’activen e era democracia perd qualitat.

Mès, era defensa dera libertat d’expression non pòt justificar eth vandalisme e era violéncia, per part d’arrés. Per tant, eth men rehús a totes aqueres persones qu’utilizen era defensa d’un dret entà perpetrar actituds dehòra de tot marc d’expression liura, pacifica e aunesta.