Eth Bitcoin 2021

Se complissen tres ans dera publicacion d’un article que portaue era mia signatura, tamb aguest madeish nòm e en aguest madeish diari, en quau reflexionaua ath torn dera mès gran des criptomonedes e deishaua escrit dues conclusions principaus; era prumèra, eth Bitcoin anarie incrementant eth sòn valor (alavetz cotitzaue en $6.200), auè era sua cotitzacion s’a multiplicat per ueit ($49.000); era dusau des tendéncies que pronostiquè siguec eth potenciau dera tecnologia que sustente eth Bitcoin, era blockchain. Auè, aguesta tecnologia dejà ei en toti es sectors economics, financers e productius deth mon, enes darreres setmanes s’a presentat ua naua tendència que darà força que parlar, tamb es NFTs, eth CriptoArt.

Dejà vos auanci qu’eth potenciau des NFTs ei immens e en veiratz eth sòn creishement exponenciau enes pròplèus ans. Apostar pes tokens, sustentats ena tresau generacion de blockchain, ei ua apòsta segura. Respecte deth Bitcoin, fòrça experts en dan era sua vision e prevision, era mia ei qu’eth còmput multiplicador qu’à resultat motiu d’aguest article se repetirà ath long des pròplèus tres ans, en tot arribar era sua cotitzacion a superar es $400.000. Respecte ara tecnologia blockchain, consideri qu’en tres ans eth dètz per cent deth nòste consum serà vinculat, e depenent, ad aguesta tecnologia, en tot daurir era pòrta ara creacion d’un binòmi clarament guanhador, era suma dera blockchain e era intel·ligència artificiau. Es oportunitats existissen, depèn de tu.