Blockchain (II)

En tot contunhar explicant era tecnologia blockchain, e detalhat en articles anteriors quauques des sues potencialitats, auè voi hèr especiau atencion a un possible cas d’ús, era Identitat Digitau Autosoberana.

Aguesta, prepause ua soberania entar individu non entara emission dera identitat se non entara sua administracion e presentacion deuant de “tercers”. En prumèr lòc, eth model abilite qu’es individus agen soberania ena administracion e gestion des sòns actius e credenciaus digitaus –coma per exemple un passapòrt digitau, un titol formatiu, ua propietat o d’auti– utilitzant elements digitaus personaus e portables coma per exemple pòt èster un aplicatiu mòvil.

En dusau tèrme, suprimís eth besonh qu’un “tercer” ath que se presente un actiu digitau age de dirigir-se a un emissor entà comprovar era sua veracitat o validesa, donques ac pòt hèr contra un registre públic e descentralitzat sense manipulacion e fòrça mès segur..

Vos imaginatz un únic repositòri digitau (tamb tota era informacion e documentacion que genere er individu) en mòvil qu’abilite e dar accès a presentar en quinsevolh tràmit que hètz en quinselvolha administracion publica e/o empresa privada? Tota era informacion e documentacion en un “click”. Serie un pas istoric deuant de tanta burocràcia, desplaçaments, obstacles que melhorarie fòrça a totes es parts. Tot de manera transparent, segura e validada. Dades que serien propietat des individus, non de d’auti agents entà èster comercialitzades inondan e amenaçant era nòsta intimitat, identitat e actius.