Indults, un pas

Eth govèrn espanhòu, comandat peth PSOE en coalicion tamb UNIDAS PODEMOS, a dat un pas entà deuant en tot méter dessús dera taula es indults as presoèrs polítics. As hiperventiladi les semblarà arren, as feishistes les semblarà ua traicion. Benvengudi ath mon dera politica superficiau e interessada de part.

As que non se trapen ne en ua banda ne en auta, non auetz representacion politica enes institocions e hètz òrfes politicament. Non vatz a poder defensar era posicion racionau perquè sabetz que podetz èster deuant d’ua des dues bandes e alavetz préner mala salut. Per tant, caretz, non digatz arren e amaguetz eth vòste posicionament entà qu’es dues bandes que defensen era sua posiciona a crits ja diran qu’ac hènt per tu. E atau contunharam ans e ans.

Ara ben, auetz ua auta possibilitat, podetz mantenguer-vos fòrti e defensar ua mesura que tot e non solocionar arren, era mesura per si madeisha parle fòrça dera diferéncia visionària e estrategica d’uns e auti. Podetz defensar que tot e éster injustament empresoadi er indult les permet tornar tà casa. Podetz defensar qu’era legitima aspiracion de Catalonha a votar eth sòn futur non ei incompatible tamb er indult. Rebrembi qu’era politica ei er art deth pacte, e quan se governe per interès generau cau préner decisions.

Tu escuelhes quina opcion prenes, que non vò díder posicionar-te politicament, senon parlar en foncion des hètz e non des paraules polides, epiques pera banda des encantèris o ben comdemnables quan vien deth feishisme mès ombrèr qu’era nòste generacion a coneishut. Jo sò a favor des indults, dera part racionau.