Ramon Trias Fargas

En an 1972 Ramon Trias Fargas creaue era Fondacion Llibertat i Democràcia, dus ans dempús en 1974, artenhie plaçar-la coma membre dera Liberau Internacionau e la lheuaue coma era representat dera Societat Winston Churchill en Espanha. Ua fondacion que presidic enquiara sua mòrt en 1989 en un acte electorau en El Masnou.

Ramon Trias Fargas deishèc un legat ideologic liberau, de defensa des drets de Catalonha e ua bibliografia escrita, ena que dejà parlaue deth deficit fiscau que Catalonha estaue patint. Ath long des quasi cinquanta ans de vida dera Fondacion, aguesta tostemp a defensat coma pilars bàsics era libertat e era democràcia, èishi clau entath desvolopament des persones, en tot víuer en democràcia.

Es sòns vincles internacionaus (dera Fondacion), e conseqüentament era sua influéncia, l’a caracteritzat pera sua independéncia politica, en tot trebalhar ena defensa de valors transverssaus, que diuerses formacions politiques se les an hèt pròpis ath long d’aguesti ans.

Hè pògues setmanes, è assomit era Direccion Generau d’aguesta fondacion en tot èster conscient dera responsabilitat que compòrte, mès tanben tamb era mès grana des satisfaccions de poder trebalhar pes dus valors coincidents que fonamenten era mia persona (libertat e democràcia).

Enes pròplèus setmanes informaram des accions e projèctes que portaram a tèrme sus era basa d’ua naua conceptualitzacion, adaptada ath sègle XXI, deth liberalisme. Trebalharam prohondament en ajudar as persones (fisiques e juridiques) deuant des canvis tant acceleradi que viuem fonamentats ena Transformacion Digitau e ena Transicion Ecologica (www.llibertatdemocracia.cat).