Era estanflacion

Era estanflacion ei era situacion macroeconomica mès dificila de gestionar entà un País. Ei era combinacion de dus factors macroeconòmics clau; ua nauta Inflacion e un redusit, o nul, creishement econòmic.

Hè ues setmanes tant era FED (Reserva americana) coma eth BCE (Banc Central Europèu) s’aluenhauen dera possibilitat qu’era nauta inflacion ena que mos trapauem siguesse un problèma a resòler en cuert termini, ac justifiquèren en tot díder qu’ère temporau. En aqueri dies, en un article signat per un servidor, avisaua que “temporau” non ère e qu’auríem un problèma important senon l’atacauem entà redusir-la.

Aguesta setmana tatn era FED coma eth BCE dejà an començat a parlar dera retirada d’estímuls financèrs. Uns estímuls qu’an servit entà comprar deute soberan qu’es pròpis estats emitien e es bancs comerciaus crompauen o creauen. Non entrarè en hons.

Aguesti darrèrs dies auem tornat a vèir coma era inflacion (creishement des prètzi de consum) tornaue a créisher en tot arribar ath 3,3%. Ara mos dideràn qu’eth creishement deth PIB ei fòrça positiu, situacion dada en comparativa quan era economia se trapaue barrada pera pandèmia. Vigilem tamb era estanflacion, luitar-la ei fòrça dificila ja que mos pòrte a mesures contradictòries entà gesser-ne.

Era praubesa augmente exponenciaument e era pèrta de poder adquisitiu dera classe mieja cada viatge ei mès redusit, e per tant mès persones e/o unitats familiars en gessen d’era. E ja sabem eth papèr qu’auem era classe mieja en actuau sistèma econòmic, eth manteniment der estat deth benèster e des cagires..