De Facebook a META

Array Mark Zuckerberg, CEO de Facebook, anuncièc eth passat dijaus eth canvi de nòm deth mès gran conglomerat BigTech (en usuaris) de tot eth mon. Aguesta decision obedís a dos factors importants; per ua banda ara imatge maumesa de Facebook enes darrèri ans tamb notables fracassi e per ua auta banda ath gran projècte qu’aguesta companhia pòrte trebalhant hè fòrça temps, eth Metavers. Hè uns dies, ena revista 22 qu’aguest madeish grop de comunicacion edite mensuaument, escriuí un article explicant que vò díder eth Metavers, vos recomani era lectura deth madeish ena web de Segre.Facebook, a partir d’ara META, s’a mercat er objectiu de crear eth sòn Metavers e a fòrça possibilitats d’arténher er èxit tamb es numeròs d’usuaris diaris que depenen d’aguesta BigTech; cada dia 1.900 millions de persones intecractuen tamb Facebook, Instagram o ben Whatssap.

Aguest univers potenciau ei un element clau entà crear ua base de transformacion que redessenharà era linha d’espaci-temps que coneishem. Jamès era umanitat s’auie vist deuant d’aguesta magnitud de canvi, jamès es empreses auien agut de hèr frònt ara transformacion accelerada que viuem e viueram enes pròplèus ans. Vos recomani que vos formetz, liegetz e vos assessoretz entà arténher era adaptacion de besonh e non vèir es oportunitats coma vos passen per deuant.

Cas contrari, naui lideratges en toti es àmbits trucaràn ara pòrta, tanben naui consums.