JJOO Pirinèus Barcelona

Èm en an 2031, dejà s’an celebrat es JJOO d’iuèrn e an estat un èxit. Es lideratges d’aguesta candidatura an valorat era organitzacion d’aguesti jòcs coma ua hita istorica, dejà èm coneishuts en tot eth mon. Es JJOO an estat entà Aran un abantes e un dempús.

Era N230 qu’enquià hè pògui ans ère des mès perilhoses, sustot era baishada des deth Tunel enquiath pòble de Vielha, ei istòria. Auem artenhut auer ua via mixta e rapida e sa redusit era accidentabilitat a practicament zèro. Era carretèra C28 de Vielha a Escunhau a estat un aute exit, mos a permès trèir eth trànsit de Vielha e auem pogut convertir era avenguda principau de Vielha en ua via verda sense coches.

Açò a provocat qu’era activitat comerciau sigue líder, crear industria e era amabilitat des carrèrs entath viandant siguen fòrça melhor. Se respire mens contaminacion.Tanben, es JJOO mos an permès qu’eth Palai de Gèu de Vielha s’age remodelat e auè sigue un projècte sostenible e líder en activitat esportiva e sociau entath País. Eth gimnàs, es classes dirigides e era aufèrta de servicis a creishut exponenciaument e era instalacion ja non patís es deficiéncies que viuiem dètz ans entà darrèr.Tanben, Baquèira Beret a multiplicat per dus eth nombre de forfaits venudi ua tempsada dempús dera celebracion des JJOO e es telecomunicacions son auè era enveja de tot Catalonha entà un endret coma eth nòste.

Eth Patrimòni naturau e culturau, auem artenhut protegir-le e er Arriu Garona e Nere son auè un miratge d’atractiu torístic que sense es JJOO non auesse estat posible. Sòne eth despertador, son es set deth maitín e me lheui a trebalhar auè ei onze de deseme de 2021, quin sòmni. Eroses hèstes a totes e toti.