ACCIONAR O REACCIONAR
Ukrania, epicentre
![Ukrania, epicentre](https://imagenes.segre.com/files/image_large/uploads/2023/09/09/64fc7a1504ca0.jpeg)
Ukrania, epicentre
En an 2004 Ukrania se convertic en noticia geopolitica tamb eth conflicte de Crimea. Pendent fòrça temps poguèrem començar a vèir qu’era “guerra fria” dilhèu non s’auie acabat tamb era dissolucion dera URSS (Union de Republiques Sovietiques) e eth relat explicat demoraue entàs libres de tèxte coma ua victòria d’Occident. Ei evident qu’era dissolucion dera URSS generec ua estabilitat occidentalista en mon qu’arribèc inclús a definir-se como el “fin de la historia” per Fukuyama, tardèren pòc temps ideòlegs en contradíder aguesta tesi imperialista.
Eth temps à demostrat ben ben sò de contrari, era istòria non a arribat ara sua fin e està canviant per moments entà destins auè desconeishudi.Mès, un se pòt preguntar perquè Ukrania ei un punt de conflicte tant important? Donques, per dus motius principaus; eth prumèr ei fronterèr tamb Russia e ua possible Aliança d’aguest país tamb era OTAN permeterie as EEUU e Aliats auer preséncia e méter eth pè deuant der “enemic”. Eth dusau motiu ei econòmic, eth proeuropeisme forçat en Ukrania enes darrèrs ans provocat per elements geopolítics de fòrça internacionau pòt provocar qu’era economia de Russia se veigue condicionada e inclús perde era sua governança energetica mondiau a trauèrs deth gas. Cau rebrembar qu’aguesta matèria prumèra ei er element de contencion d’Alemanha entà posicionar-se en actuau conflicte.Deishar que Ukrania sigue aliat dera OTAN e pogue condicionar er abastament de gas de Russia, ath delà dera amenaça geopilitca, entà Euròpa desacreditaria era fòrça deth President Putin e poderie desencadenar ua escala de conflictes intèrns que portarie a Russia a ua situacion fòrça complexa nacionaument.
Putin ei obligat a botjar elements de defensa e Occident tanben ja que non vò vèir coma Russia s’enfortís.Ei evident, qu’un conflicte bèlic non interèsse ad arrés, ne ara OTAN ne a Rússia, creigui que non n’i aurà mès enlà de moviments terrestres estrategics que fòrcen negociacions tamb visuaus de poder. Mès, i a ua amenaça pitjor; era tecnologia globau utilitzada entà desestabilitzar patrons bàsics dera quau depenem dejà tots es economies auançades deth mon e que pòt éster atacada trapant elements de vulnerabilitat extrema e creant problemes inimaginables.