Curta guardada

Auem arribat un punt coma societat que sonque èm cas a elements que gessen des estandars de vida tamb es que configuram era nòsta pròpia. Resòler aguesta equacion segurament ei sò mès difícil que coma societat auem entà establir ues normes de conviuença, un ordre sociau e uns itinerais sociaument acceptadi. Mès i a un problèma encara pitjor, era incapacitat entà resòler era equacion nomentada mos pòrte a conductes, des de toti es àmbits e sectors, que son estimables en funcion dera sua gràndaria morau, qu’aguesta encara demore en ua escala de valors fòrça omegeneitzats en Occident.Coma non èm capaci de trapar era solucion ua part importanta dera poblacion demore amagada en autoenganh e ena ipocresia amagant elements qu’en interior de fòrça gent son assentats e acceptadi, son aqueri actors que decidissen autoproclamar-se de pòrtes entà dehòra elements genuins e diferenciadors, aguesti auè son mès idolatradi pera sua gesticulacion que d’auti qu’en silenci ac repòsen en mèrit.

Arribatz aciu, era gesticulacion s’empodère pes masses que trinquen estereotips e eth merit s’amague, creant ua societat que met en valor aquerò que ges dera normalitat e dera solucion dera equacion. Per còntra, aguesta madeisha societat se’n arrís dera deth mèrit, que va perdent adeptes cada dia.Ad aguesta situacion i a contribusit fòrça eth sistèma públic e institocionau, incapaç d’adaptar-se e tanben es mieis de comunicacion, que cerquen dehòra dera formula era sua audiéncia, situacion que impossibilite poder resòler era madeisha. Mès, era curta guardada non a futur, e aciu se genère eth problème qu’aquera equacion a de resòle.

Tot contradictòri de pòrtes tà dehòra, tota ena logica de pòrtes tà laguens. Arribam atau a víuer ath dia, sense saber perquè arrés ac garantís sò que pòt passar deman.