Nau model educatiu

Hè dejà mès d’un mes que presentè en Barcelona, eth projècte dera Metaverse University. Un projècte gestat e pensat des d’Aran que se ben non ei determinant en hons d’aguest, òc que permet visualitzar es arraitzes, objectius e hons d’aguest tamb es casuistiques der emplaçament d’aguest a nivèu geografic, entre d’auti. Un des ahèrs que me motivèc a crear aguest projècte ei era visualitzacion reau des oportunitats que mos demoren per deuant e coma des dera luenhania, limitacions e distancies qu’encara auè non èm capaci d’eliminar-les e coma aguestes mos proibissen, a ua part importanta deth mon pujar-mos ath tren dera oportunitat.

Sustot perquè era arribada deth Metavers, ath delà d’obstacles e dificultats, mos aufrís un infinit d’oportunitats qu’auríem d’èster capaci, visquem a on visquem, sigue quina sigue era nòsta classa sociau, economica o ben raça o religion accedir a daurir es pòrtes deth coneishement e deth progrès entàs qu’auè n’auem eth besonh e era obligatorietat, atau coma tanben entàs que vieràn.Un des motius d’estudi que me portec ad aguesta aventura ei coma vada viatge era poblacion mès joena se distancie des elements troncaus qu’eth sistèma que coneishem aufrís, e non ei per culpa dera joenessa coma soent era adultocracia verbalitze, senon qu’ei un problema de sistèma que non ei capaç d’adaptar-se ara acceleracion de canvis que viuem. Era joenessa, e tanben ua grana part dera societat, non trape motius ne confidança e emprèn en conductes personaus, sociaus e educatives peth sòn propi camín des dera solitud e sense cap acompanhament.Eth model educatiu, espeficament er universitari e professionau, encara demore en elements troncaus des ans ueitanta e noranta. Mos cau, urgentament, un nau model formatiu.