Arribam ath finau

Dempús de mès de set ans escriuen quinzenaument en aguest diari, a arribat eth moment de díder adiu. An estat mès de cent cinquanta articles d’opinion que hè sajat de poder abarcar eth conjunt de tematiques qu’afecten ara vida diària des persones. Prumèrament i auie elements de politica locau e tanben generau, d’àmbit estatau e Europèu e tanben a nivèu d’analisi mondiau.

È parlat tanben de finances, de politiques economiques, e sustot tanben sociaus, tostemp e sajat de plaçar ara persona en centre dera reflexion.E acabat, parlant fòrça de tecnologia, ciència que m’à acompanhat tota era mia vida e dera quau auè en depengui exitosament.Se beth lector hè ua guardada entà darrèr poderà constatar qu’es articles qu’aguest Diari amablement m’à publicat, e que n’estarè tostemp agraït, an anat en foncion des objectius vitaus qu’anaua prioritzant.Ara, a arribat eth moment de hèr ua pausa ena escritura reflexiva e convidar a d’autes persones a qu’ígen elements de valor en debat e ena lectura de totes e toti. Es mies obligacions profesionaus e empresariaus m’obliguen a hèr ua arturada ja que non i a ores ath long deth dia entà poder hèr articles que poguen méter en valor es objectius que tostemp e persutat; objetivitat, debat e reflexion en valors e coneishement.A estat ua experiéncia fòrça satisfactòria entà un servidor que, tostemp s’a mantengut en ua linha mestra e sagrada enes sòn desenes d’articles; era mia lengua matèrna, er aranès. Aquera lengua que semble qu’es partits polítics desbrembem qu’ei un patrimòni non sonque d’Aran, tanben n’ei de Catalonha e d’Espanha.

Calerà qu’es que vien ara seguida contunhen possant en aguest sens e esvitar que se convertisque en ua quimèra. Se me permetetz un darrèr en aguesta linha, non mossegues era man deth que te permet contunhar minjant.Estimadi lectors era dita ei grana, vòstes en son es conclosions. Un servidor tostemp contunharà liegent sò que passe en mèn País, Aran.

Ua fòrta abraçada!.