Adiu an 2022!!

Acabam er an, un an que començaue tamb era proclamacion per part deth Conselh Generau d’Aran, com er an Jusèp Sandaran Bacaria, pr’amor que celebràuem es 80 ans dera sua mòrt. Aranés neishut en Canejan en an 1875 e mòrt en Barcelona en 1942, a on passèc era màger part dera sua vida. De Canejan mos a deishat expressions der aranés pròpries e caracteristiques.

Intellectuau qu’estimaue era sua tèrra e atau ac demostrèc enes sòns estudis sus er aranés e es nombroses poesies hènt referéncia a Aran, qu’eth passat mes d’abriu, eth dia de Sant Jòrdi, eth collectiu Lengua Viua dediquèc era lectura ad aguestes poesies. Ac delà s’an amiat a tèrme d’autes accions en territòri. Pr’amor dera sua estança en Barcelona, escriuec fòrça poèmes en catalan, ja qu’eth ère convençut dera unitat des dues lengües, coma eth poèma La Vall d’Aran i els catalans (1913).

Ar encòp, era Generalitat declaraue er an, entre d’aute efemerides, as 100 ans der inici dera òbra deth Cançonèr Popular de Catalonha o eth centenari deth neishement de Joan Fuster Ortells e Ramon Trias Fargas. Fuster ei un escrivan damb ua extensa òbra qu’includís trabalhs sus politica, lingüistica, istòria, filosofia e literatura. Fuster siguec premiat damb el Prèmi d’Aunor des Letres Catalanes (1975) e era Medalha d’Òr dera Generalitat de Catalunya (1983).

Ramon Trias Fargas, economista e politic catalanista (Barcelona, 1922 - El Masnou, 1989)Aguestes efemerides an coma objectiu méter en relèu, recuperar, hèr a conéisher era memòria de bèra personalitat o eveniment que mos an deishat tralha.E ara qu’acabam er an, a demorar qu’eth nau que va a començar, mos pòrte naues celebracions e rebrembes, Bon an nau!!.