Sequèra

Mot que per desgràcia ja hè temps que venguem senten massa soent e ara fin a arribat. Ei ua anomalia climatologica transitòria ena qu’era aigua non ei sufisenta entà assolidar es besonhs des plantes e des animaus, includint es èsters umans. Era aigua ei un element indispensable entara vida.

Es sequères e huecs, era pujada deth nivèu deth mar, es fenomèns climatics extrems o era pèrta de biodiversitat son de cada còp mès grèus e depen de nosati qu’adoptem un estil de vida mès sostenible e un respècte peth miei ambient. Aguesti factors produsissen un desequilibri entre era disponibilitat naturau dera aigua e eth consum que ne hèm es umans. Patim longui periòdes d’abséncia de ploja, mès tanben, per contra, episòdis de ploges torrenciaus.

Ath long dera istòria s’an patit es sequères e mès recentament en Catalonha podem nomentar es des ans 1973, 1985, 1988 e 2008, entre d’autes.Vedem coma es temperatures son mès nautes e mès lèu cada an, non cau demorar ar estiu, factor meterologic que motive era baisha precipitacion, diden qu’era temperatura annuau mieja aumente 1 grad en Catalonha. Efècte que repercutís ena economia d’aqueri lòcs qu’aguesta se base ena practica dera agricultura de subsisténcia. Es ondades de calor pendent er iuèrn e era manca de ploges e nheuades, mos amien ara imatge de rius e lacs amendrits o secs.Es cientifics que lideren aguesta investigacion concludissen que “er aument des sequères ei dirèctament relacionat damb er auanç dera crisi climatica, eth cauhament globau e es emissions de gasi damb efècte iuernacle”,Per tot açò cau cercar solucions, mesures, estrategies, abans de qu’arriben!