Era Montanha

Auem d’auer respècte ara montanha! Açò ei lo que passèc era dimenjada pasada en Aran, tamb era celebracion dera UTMB, un trail running enes nòstes montanhes. Tot comence tamb era celebracion dera tresau edicion d’aguesta corsa, qu’a compdat tamb 5.400 corredors/es de 80 païsi, entre eri tanben i cau compdar un pialèr d’aranesi/es que i participèren, fòrça felicitats a toti eri, valenti! I a diferentes modalitats de carrères: Torn dera Val d’Aran (VDA), Camins de hèr (CDH), Peades d’aigua (PDA), Experiéncia d’Aran (EXP), Baqueira Beret (SKY) e ua darrèra carrèra entà volontaris (TR2). Dues d’eres aueren d’èster anullades pr’amor dera fòrta tronada tamb pèira, relampits, ploja e aire, que mos afectèc diuendres de ser, era organizacion ac decidic e que siguec ua bona causa, toti es corredors poderen tornar tamb es sues familhes, non sense abans auer patit eth bronir dera montanha.

Felicitacions tà toti/es es participants. Ei ua corsa comprometuda tamb eth miei ambient, sonque cau campar es sues bases en aguest apartat, despús ja ei era consciéncia de cada un, mès en generau cau díder qu’es participants an estat respetuosi. I a un interès creishent per espòrt e era salut ena societat.

De cada còp i a mès activitats qu’eth sòn objectiu ei apropar-se ath miei naturau, tà poder conéisher tot aquerò que mos aufrís. Entà gaudir dera activitat ei important abans conéisher es nòsti limits e ei important portar un equipament e materiaus minims entà realizar quinsevolh activitat ena montanha. Era montanha ei tan polida coma perilhosa.

Era montanha mos parle tostemp, mès non sabem escotar-la!.