Lei animalista

Era Lei de Benèster Animau 2023, regule era proteccion des drets e eth benèster des animaus, aprovada eth 16 de març de 2023 en Congrès e entre en vigor a compdar deth passat 29 de seteme.Coma resumit d’aguesta lei, eth sòn objectiu ei protegir e palliar, conscienciar e castigar es actes contraris ath benèster animau. Tradusit açò en penes e multes mès dures en matèria de maltractament e en abandon animau. Afècte as que conviuen en ua casa e ad aqueri animaus silvestres que se trapen en captivitat.Ei plan ben que gesquen leis d’aguesta natura, mès cau demanar-se perqué tanta gent i son en contra, academics, biològs, veterinaris, protectores,…??? Ei ua lei qu’a vist era lum, mès i a normes que non s’an aplicat, per exemple eth cors qu’an de hèr es proprietaris de gossets, sigue eth que sigue, o era assegurança de responsabilitat civiu, e d’autes que per ara an quedat arturades Ua lei qu’a provocat inquietud entre es proprietaris de mascòtes, que son es que patissen es conseqüéncies d’ua norma que non s’a prenut en consens e que s’aprovèc de manèra pressada, causa qu’a provocat un màger nombre d’abandons, hèt contrari ad aquerò que pretenie era lei. Gent que non vò pagar ua assegurança o hèr eth cors. Quan reaument s’aplique era lei, pensi que serà dificil de contrarotlar, mès genère maufisança pr’amor que es penes e multes son plan nautes. Abans dera lei ja i auie comunitats autonomiques qu’ère obligatòri méter un chip d’identificacion e èster registrat, principaument gossets e gats. Tormam a èster tostemp en madeish lòc, s’establissen es leis des d’un burèu mès era realitat qu’ei ua auta!!!