Drets umans

Eth passat dia 10 de deseme celebràuem es 75 ans dera signatura dera Declaracion Universau des Dets Umans de 1948. D’alavetz ençà òc que s’a auançat, mès encara i a causes per hèr. Ara ei eth moment entà reflexionar sus es naui rèptes que cau hèr front pr’amor qu’ei evident qu’an cambiat fòrça a long d’aguesti ans, atau s’a auançat en diferenti encastres coma en tecnologia, en medicina, miei ambient, expression sociau e politica, entre d’auti.Siguec eth prumèr còp, despús dera dusau Guèrra Mondiau, qu’era comunautat internacionau se metie d’acòrd en un ensem de valors e reconeishie qu’es drets umans son inerents en totes es persones de quinsevolh lòc. Es 30 articles que compausen era Declaracion, aufrissen es principis e es blòcs des conveccions de drets umans, tratats e d’autes airines juridiques actuaus e futures, entre eri podem trapar que toti/es auem eth dret ara educacion, a ua remuneracion justa, a un trabalh, dret ath vòt, ara viuenda, ara atencion sanitària, libertat d’expression e respècte mutuau sense distincion de genre, etnia o religion, mès aguesti drets òc que s’an artenhut per part de fòrça gent, mès entà d’auti ei inaccessible.Podem víuer actuaument situacions de conflictes violents, desigualtats, discriminacion, etc., causa que de cara ath futur calerie cercar solucions entà arténher aquera promesa dera Declaracion de libertat, igualtat e justicia entà toti/es. Ei prevista ua amassada de naut nivèu en deseme de 2023, organizada pera Oficina de Naut Comissionat des Nacions Unides entàs Drets Umans en collaboracion tamb eth Govèrn de Soïssa entà debàter, demorem qu’es compromisi e idèes globaus que s’artenhen siguen beneficioses e inclusiues entà toti/es!!!