Jorge Pueyo: “El més bonic que em diuen és que els recordo a com parlava la seua iaia”

Jorge Pueyo Sanz és un jove advocat conegut per la seva tasca de divulgació de la llengua aragonesa. Va ser redactor i col·laborador de Charrín Charrán, que va ser el primer programa en aragonès d’Aragón TV. Però el que l’ha fet saltar a la fama és el seu Noticiario matinal aragonés, que emet a Twitter (13.000 seguidors) des de l’octubre de 2020 i on ha aconseguit més de 160.000 reproduccions. També és a Twitch, a Instagram i a Youtube. L’entrevista s’ha fet en català, les respostes estan en aragonès.

Com i per què se li acut fer un informatiu en aragonès?

Pos yo queriva fer conteniu de propio pa Twitter, bella vegada heva puyau bell vidio u gag a Twitter sobre la cosas de la llengua, pero queriva fer bella cosa con més continuidat, i va veyer el que feva Ángel Martín i ixe formato de toma seqüencia de 2:19 me va encantar asinas que li va dar la mía marca personal. Pero sobre tot, perquè la llengua é cultura, é un patrimonio de la humanidat, é un punto de vista único con el que vivir el mundo, el conoixer llenguas te da una riqueza única. Quan yo va entender el primer chiste que va sentir en inglés me va sentir muit rico u quan la chent entiende las bromas de la Mojiganga de Graus en aragonés tamé siente ixa riqueza. Tenir cultura te permite disfrutar més de la vida, d’una obra d’arte, d’una canción, i ixe é el fin, ser felices ¿no?. I ser felices no é buscar el pllacer instantánio. La chent que quiere destruir la cultura i llevar-mos al pensamiento único son chent que tiene miedo perque no sabe explicar el mundo en el que vive.

Què és el més bonic que li han dit els seguidors?

Es millors son toz ixes que me contan que quieren aprender aragonés gracias a yo, u que quieren encomenzar proyectos (audiovisuals, musicals u el que seiga). Pero es que més me tocan el corazón son ixes que me dicen que lis recorda a coma parllava la suya yaya que va pasar avant, u lis recorda atros tiempos i que en estes tiempos duros lis ha aduyau a tirar entavant.

I el més crític?

Ésta é la qüestión, uno puede veyer moltos comentarios positivos a las rez socials, pero ixo rai. Nusatros, toz es comunicadors siempre mos mirant el negativo, lo positivo no mos afecta tanto como mos afecta lo negativo. 

Quants seguidors té?

No ha siu tanto el número de seguidors coma l’impacto que ha teniu tot esto, he arrivau a 160.000 reproduccions en bells noticiarios i ixo ha siu una llocura. Seguidors tiengo 13.000 a twitter i 3700 a instagram. I ara estoy encomenzant con twitch en jorge_pueyo. 

Vostè utilitza la variant ribagorçana de l’aragonès?

Sí, n’hai tres dialectos de l’aragonés, occidental, central i oriental, pus yo parllo l’oriental.

Ha tingut problemes amb les institucions o amb els puristes de la llengua?

No he puesto tenir probllemas con las institucions perque no me puedo dirichir a las institucions parllant aragonés perque no é oficial. Con es puristes? Sí, bueno, no son probllemas, al principio unos te dicen que tiens que dir esto asinas u esto atro de l’atra manera... pero bueno, al final t’acostumbras, te fas a ixo. Tiens molta responsabilidat dencima i cal saber-lo fer i fer-lo con rigor.

Creu que l’aragonès té futur?

Ixo depende de coma me llevante ixe día. La verdat é que yo creigo que si la llengua se socializa sí que puede tenir futuro. Yo creigo que a día d’hoy no s’está fent prou pa que la llengua se tienga, i que en cosa de 15 anyos la perderem del tot si no fem més, las institucions i es particulars.

La majoria dels seus seguidors són joves. És una esperança?

La esperanza de tota llengua pasa per es chovens sí, pero tamé per es pares que tienen que charrar-les a es fillos i per es yayos i yayas que no tienen que sentir vergüenya de charrar-la.

Creu que els mitjans públics i les institucions recolzen prou l’aragonès?

Yo creigo que no. Sí que é verdat que dende fa 7 anyos tenim una Dirección Cheneral de Politica Llingüistica, pero está infradotada de medios i la resta d’institucions on gubiernan sectors més asimilacionistas culturalment están destruint i esboldregant tot el que s’heva adevantau, como va pasar con la oficina de la llengua a Uesca u a Zaragoza.

Té molts seguidor a Aragó, però també de fora. A què ho atribueix?

Yo creigo que tiengo mayoría d’Aragón però tamé mayoría catalanoparlante. Esto é perquè n’hai molta chent de las comarcas orientals d’Aragón i moltíssima chent del País Valencià i catalans occidentals. Yo creigo que esto ha siu principalment perque la chent mai heva teniu una aproximación a l’aragonés dende el ribagorzano, que per cercanía s’entiende prou ben per es catalanoparantes. Ixa comprensión.