Succès dera rota des mercats 'gourmand' ena Val d'Aran

Baqueira, Tredòs e Arties son es localitats a on eth Mercat Gourmand, qu’amasse a productors alimentaris e artesans de qualitat, a hèt arturada aguesta setmana. Atau, es paradistes an acompanhat aguesti dies eth programa des hèstes d’ostiu de Baqueira e de Tredòs, atau coma eth Mercat d’Artesans d’Aran, present pendent tot eth mes d’agost ena plaça d’Arties.

Hormatges catalans e de Navarra; embotits dera Garrotxa; vins dera D.O. Costers del Segre; òlis d’oliva arbequina; cremes e ungüents derivadi der alòe vera e condes e libres de tematica pirenenca son bèri uns des productes qu’es visitaires an pogut crompar.