Eth Carrèr Comets de Vielha aurà ua naua plaça

Er Ajuntament de Vielha e Mijaran trabalhe tà urbanizar eth carrèr Comets, en airau deth Solan de Vielha, atau coma ua naua plaça pendent eth pròplèu an. Vò atau revitalizar era zòna, en tot crear un espaci public d’òci connectat damb eth centre deth pòble. En aguest sens, eth projècte contemple pedonhizar grana part dera zòna mentre qu’includís un parc infantil, un jardin, e un scenari fixe qu’acuelherie espectacles ar aire liure. Actuauments aqueth espaci acuelh dejà nombrosi actes hestius. Ena madeisha linha, era reurbanizacion deth carrèr Comets melhorarà era accessibilitat deth lòc tà persones damb mobilitat redusida, en tot eliminar desnivèus e en tot melhorar era qualitat des acabats e deth mobiliari urban existent. Eth projècte compde damb un pressupòst d’uns 330.000 èuros e pòden presentar-se aufèrtes enquiath pròplèu dimars.

D’un aute costat, eth consistòri amie endauant melhores en hilat d’aigües de boca e residuaus en carrèr deth Miei d’Arròs. Era intervencion que vò executar eth consistòri compòrte era substitucion des actuaus tuèus de fibrociment per d’auti de polietilèn, mentre se profitarà tà uniformar eth paviment.