Bossòst cride ath civisme dauant un aument de depaus de voluminosi

Er Ajuntament de Bossòst a hèt ua crida ath civisme entre es sòns vesins dempús de detectar un aument de depaus de voluminosi enes darrèri mesi en municipi. En concrèt, acostumen a èster objèctes grani coma mòbles e electrodomestics, entre d’auti, çò que complique eth servici de remassada de residus qu’amie a tèrme eth Conselh Generau. En aguest sens, er ajuntament rebrembe qu’aufrís un servici tà recuélher a domicili aguest tipe d’objèctes, que pòt sollicitar-se directaments en consistòri e s’amie a tèrme un viatge ath mes.

Era bailessa deth municipi, Montse de Burgos, expliquèc qu’era situacion genère malestar entre es vesins e non escartèc començar a daurir procèssi sancionadors. “Credem qu’era proximitat ei un des esturments mès efectius, e animam a toti es vesins a qu’ac expliquen, en cas de veir a bèth un en tot deishar voluminosi, coma foncione eth sistèma de remassada”, expliquèc de Burgos, que senhalèc qu’er aument de depaus a coincidit damb era arribada de naui propietaris e un aument de licéncies entà hèr reformes.