Bòrdes e Cabanes

Ja non i a linhes vermelhes. Auem queigut ena mès absoluta incoherencia. A tot açò jo digui NON. Te convidi a que tu tanben digues que NON. Te convidi a que digues ÒC ara Val d’Aran, a que digues ÒC ath nòste futur.

Auem eth sagèth de Biosphere, demoram finalistes en prèmi National Geographic, ara iniciam eth projècte entà èster Patrimòni Mondiau Inmateriau dera UNESCO, volem que i age activitat ramadèra e agricola, hèm fotografíes, mos hèm orgolhosi de Baqueira Beret e les ensenham a tot eth mon eth nòste patrimòni paisatgístic, naturau e culturau… E ara volem convertir es nòstes montanhes en un mercadeig especulatiu tamb “bars”, “restaurants”, “torisme rurau” e “hotels” enes Bòrdes e Cabanes? Quina contradiccion. Es nòstes montanhes e era nòsta aigua son era nòsta hònt de riquesa, era nòsta identitat e era nòsta economia. Atau a estat ath long dera istòria, atau ei auè e non dobti qu’ac a de contonhar estant en futur. Voi que i age ramaderia, agricultura, flora, fauna, era pesca e era caça. Qu’er aigua contonhe fluïnt e aqueri que descorbissen eth nòste País se sorprenen per tot aquerò qu’auem coma riquesa. Voi un País a on es montanhes non siguen d’arres e siguen de toti. Voi un País a on es bòrdes e cabanes siguen legalitzades, coma patrimòni històric e servisquen entà passar-i estones tamb era familia e amics, non entà que especulen tamb aquerò que mos dar de minjar a toti. Es montanhes son ua linha vermelha! Non tot se vau e non a tot se pòt díder que òc. Demori que hagam reflexion e aqueri qu’an auè era “responsabilitat” (de decidir) la practiquen tamb hèts. Eth grop de CDA en Vielha e Mijaran la practicaram eth pròplèu dia 13 de juriòl en Ajuntament en un Plen extraordinari demanat per nosati.