Rajoy – Llarena

Aguesta a

estat ua setmana de tandems que non desbrembaram! Entàs followers dera prensa ròsa, eth tàndem Sofia – Letícia a estat esperpèntic. Se visualizèc era mès grana des ipocresies en ua família, voler mostrar que tot ei polit e que non passe arren, e se demostrèc qu’en aquera família sò mès normau passe quan cadún ei solet e tamb era lum amortada.

Eth dusau tàndem dera setmana mos le daue eth gol de Cristino Ronaldo. Era auta part de societat que non ei follower dera prensa ròsa ei futbolera. S’acabèc eth prumèr tàndem e ja n’auíem un aute. Entàs merengues mes fanàtics alimentaue era sua tesi de lideratge deth fótbol mondiau, entàs culès mès fanàtics Messi ei, O’Rei.

E sense qu’age acabat era setmana, eth tàndem Rajoy – Llarena a metut es pipòts ena tarta de celebracion dera democràcia e dera reinvindicacion nacionau en Catalonha. Quan des dera resta d’Espanha diden qu’er independentisme vò trincar Espanha, sonque les digui que guarden eth tàndem Rajoy – Llarena e veiguen qui s’acabe de cargar era imatge, era separacion de poders e qui mòstre ua actitud autoritària ena Euròpa actuau.

Quan gessem en carrèr e reivindicam drets individuaus e colectius ei entà toti e totes, quan reivindicam pensions dignes ei entà toti e totes, quan exigim libertat entàs presoèrs polítics ei perquè auè i a presoèrs polítics en Espanha per ua causa que moleste.

Quan fòrça gent treigue era bilis der òdi contra Catalonha, veirà que darrèr dera sua bandèra i a un desert, zero oportunitats se non formes part deth clan de tostemp.