Concepte: “sexting”

Eth “Sexting” ei un anglicisme que se definís coma: er intercanvi d’imatges sexuaus entre dues persones a trauèrs der smartphone.

Segontes un recent estudi publicat pera Revista JAMA Pediatrics, un numerò considerable de joeni menors de 18 ans participen o an participat en practiques de “sexting” en beth moment; en concret, segontes era revista, un de cada set (15%) envie materiau sensible e un de cada quate (25%) receb aguest materiau. Cau remarcar qu’aguestes dades son mès lèu entre adolescents. Mès, cada viatge ei mès nombrós era entrada de pre-adolscents (10-12 ans) en aguesta practica.

Quauqui experts motiven aguesta practica en dus condicionants; per un costat per increment der accès a un smartphone per part des mès joeni e per un aute costat peth temps de que dispausen d’aguest esturment entà utlitzar-lo.

Es risqui d’aguesta practica son fòrça importants: dret ara intimitat, ar aunor e ara pròpia imatge. E çò mès important, son victimes potenciaus entàs depredadors sexuaus. A viatges inclús, mos trapam tamb conductes humanes coma era venjança, er abús o ben eth chantatge emocionau o sexuau que utilitzen o pòden utilitzar coma conseqüéncia dera sua dèria personau.

Que pòden hèr es pairs o ben era societat entà minimitzar eth risc deth “sexting”? donques educar as hilhs/es (ara ciutadania) en un ús responsable dera tecnologia. Mès, se vos platz, que no se queigue ena proibicion facila, non a cap efecte, a viatges ath contrari. Se educam ara ciutadania ena linha des risqui e des bones practiques e paralellament era governança trebalhe entà aumentar era seguretat e era proteccion personau, artenharam un doble objectiu positiu entà toti e totes. Proibir, inspeccionar o ben castigar son practiques de cuerta durada e pòc efectives. Eduquem!!! e exigim ara governança impartir educacion: ús responsable dera tecnologia.