Entre clans e tribus

È fòrça ans estudiè dus postgrads ena Universitat de Lleida; un, d’Estudis sus era Joenessa e, un aute de Politiques entara Joenessa. Non imaginè que me servirien de tant fòrça temps dempús.

Un des melhors antropòlegs que i a en Catalonha en siguec eth men professor, e sense dobte, me meravilhèc era sua tesi e conceptualizacion des tribus urbanes. Enquiath moment, quan me parlauen de Tribus les solia classificar e estereotipar en conductes primitives e ancestraus. Eth prumèr des postgrads m’ensenhèc qu’era Tribu (sense hèr cas ara sua etimologia) venguie a èster un concepte de classificacion sociau e conductuau en funcion de cultures e segments de poblacion mès o mens homogenis. Evidentament, rasonaue en encastre dera antropologia sociau deth tèrme e dera societat.

Ans dempús, comencè a enténer (dempús de fòrça ores d’estudi, dedicacion e trebalh) que volie díder “clan”. Era tipologia d’organitzacion, disciplina intèrna e actituds emanades des dera jerarquia, ei des indicadors mès vàlids entà poder saber mès dera trascendéncia lexica e der ús sociau que se’n hè d’aguesta paraula. Quan me parlauen de clan visualitzaua conductes de principis deth sègle XX. Tà èster sincer, era indústria cinematografica, publicacions diuèrses e era TV auien influït en jo implicitament. M’auia deishat portar per aquerò que didien.

Ena actualitat saji d’estudiar, informar-me, documentar-me e sustot apréner contunhament entà enténer un shinhau mès era societat, eth mon e era globosfera des paraules. M’agrade èster crític, reflexiu e just tamb es analisis. D’aqueri dus postgrads, encara auè en treigui conclosions; prumèra, cau apréner des melhors. Dera experiéncia e der aprenentage cultivat enquiara n’extreigui era dusau: contunham entre clans e tribus.