Dubtes

Liegi, entre linhes, coma se i auesse un doble jòc respecte ara situacion economica e financèra a nivèu mondiau. E non tant per contradiccions senon per ua posicion “macro” de geoestratègies mondiaus que me generen dubtes importants respecte ath futur.

Per ua banda, se constaten creishements fòrça positius, eth caumatge va ara baisha e artenh notables exits. Era contractacion ipotecària va en augment, eth prètz dera viuenda apunte a creishements progressius e contunhats. A nivèu macroeconomic, era prima de risc ei fòrça baisha, eth Banc Central Europeu a previst entar an que ben eliminar era politica de estimuls e paralelament eth Banc de Inglatèrra puje eth prètz deth diner e era Reserva Federau ac tornarà a hèr en seteme. Toti, diden, ac hèn entà manitèr es ensenhadors inflacionistes ath torn deth 2%. Messatges, aparentament, positius.

Per ua auta banda, es païsi emergents (Brasil, Russia, India, Xina e Sudafrica) estan creant estructures de governança globau paralelles as occidentaus. Era politica de Trump, que se jògue bona part dera sua credibilitat en darrèr trimesadèr, a d’auer objectius. Aguest personatge està “tronat” mès, es “yankees” non s’an tornat bògi. Era Union Europea non se’n ges tamb eth Brexit e es relacions bilateraus comencen a guanhar era batalha ath multilateralisme en ua economia globalitzada. Qu’a de positiu açò?

E sò mès sorprenent, es granes economies emergentes estan comprant òr e artenhent resèrves inmenses d’aguest “commodity”. Er òr, a part d’èster un valor refugi, ei tanben era alternativa ath dòlar. Paralellament eth dólar se hè fòrt respecte der èuro, es divises des païsi emergents estan queiguent e tot plegat afecte as resultats des empreses europees. Qu’à de positiu açò?

Cada viatge è mès dubtes que sigue ua “guerra comerciau”.