Ges, parla, decidís

“Enes darreres setmanes s’a produsit ua notícia trascendent entath País”. Saberíetz díder a que hèr referéncia?

Èts coneishedors que, per prumèr viatje, eth nòste País a era oportunitat d’èster ua des sedences olimpiques d’uns Jòcs Olimpics d’Iuèrn? S’ac artenhem pòt supausar naues inversions, comunicacions, projèctes sociaus, projectes esportius deth mès naut nivèu, tecnologia líder mondiau, infraestructures intèrnes, explotacion economica abantes, pendent e dempús, posicionament mondiau a nivèu torístic, exposicion e exportacion dera nòste lengua, cultura e identitat ath mon sencer, e tantes d’autes. Serie istoric!!!

Per sò liejut e detectat, mès enlà deth trebalh hèt per part deth Conselh Generau d’Aran, Baqueira Beret, Generalitat de Catalonha e d’auti; regís ua certa intrascendéncia dera oportunitat. Èm dormits? Èm desmotivats? ò, què mos passe? È ua teoria (la explicarè en d’auti articles) Lanci ua pregunta entara reflexion: de vertat aguest País demorarà auer eth mès gran eveniment esportiu mondiau sense auer ua actitud proactiva, líder, creativa e transformadora deuant dera oportunitat? De vertat, a viatges, trapi a faltar era valentia (mes hèr e menos parlar) deth carrèr. Desvelhem! Empoderem-nos entà decidir eth nòste futur e des que vieràn, sabi qui non ac harà per nosati e per nosates.

Auem ua oportunitat entà dessenhar, toti amassa, ua estratègia nacionau que potencie, “Aran 2030”, elements (economics, torístics, sociaus, eca) que transformen eth País. Aclari, “toti amassa” vò díder, toti e totes es que viuem e trebalham en País. Ac auem de hèr tamb actitud dubèrta e transparent, en benefici de toti, non sonque d’uns pògui. Seram capaci, o tornaram a vèir coma passen peth deuant nòste?