Decidim: Era identitat

Reiteri: Auem entrat ena dusau modernitat (Modernitat Reflexiva, segontes Beck), era modernitat d’auè canviarà e transformarà era societat mondiau. Era figura d’Estat-Nacion desapareisherà. Era societat s’està individualitzant, eth narcissisme acapare eth poder a toti es nivèus. Tamb açò non voi díder que se torne egoista, simplement voi díder qu’era filosofia dera Ilustracion dejà a finalitzat coma concepte modernitzador e aglutinador de majories e assentiment.

Era governança tanben s’està transformant, es Estats-Nacion cedissen sobirania (política, economica e financèra) a institucions superiores (aquerò qu’en diden Governança Globau), aguesti Estats-Nacion, en desaparicion, seràn substituïts per “ciutats mondiaus” o megalopolis. Fòrça dades ac demòstren. Per tant, visualitzi dus estadis de governança futura, era Globau e era Locau (hilats de ciutats-megalopolis mondiaus conectades). Alavetz, que serà d’Aran, deth País? Sajarè de resumic en cinc paraules: Transfronterèra, conectada, identitària, Innovadora e Sostenible. Era globalitzacion capitanejada pes que nosati sabem mos portaràn ara residualitat. Enfortim-nos dera nòsta identitat, dera nòsta lengua, deth nòste País e creem en aguesta linha un projècte que mos permete era supervivéncia economica e mos garantisque eth progrès.

Mès, non podem demorar a qu’es institocions mos ac resòlguen. Ac auem de hèr toti nosati. Tamb esperit ambiciós, tamb era exigéncia coma bandera e tamb eth sacrifi coma valor. Se vos aluenhatz deth dia a dia e analizats que èrem, que èm e decidim que volem èster, toti amassa, artenharam tornar a èster eth miralh e era enveja entà fòrça territòris e comunitats. Se non ac hèm seram ues manuquetes ath servici d’aqueri que dejà coneishem e sabem sò que vòlen.