Covardia o valentia

Quan a viatges escoti parlar ara “gent carca” dera joenessa, quan parli de “gent carca” ac hèsqui pera manera de pensar mès que per edat, sò convençut qu’era joenessa va peth bon camín.

Malerosament aquera “gent carca”, o ben, coma a viatjes è definit, “adultocràcia”, patís mancança d’empatia e valentia. Ena columna de hè quinze dies parlaua qu’en moment que se perd era pertinença a ua comunitat, comence eth tribalisme.

Malerosament, aguesta “gent carca”, ei incapaç d’enténer es dificultats e obstacles qu’à auè era joenessa (millenals e generacion X). Comparen era situacion dera sua joenessa tamb era actuau, como se eth mon, es dificultats e es obstacles siguessen mès importants es d’abantes qu’es d’ara. Ei conscienta aquera “gent carca” qu’auè tamb estudis universitaris acabadi, es joeni e joenes, pòden acabar trebalhant en Primark? Son conscients que catedràtics e doctorats, auè, croben mens diners qu’es sòns pares que non poguèren estudiar? Ei conscienta aquera “gent carca” qu’era generacion mès premanida dera istòria ei aquera que non pòt tornar tà casa per manca d’oportunitats? Saben que cadàn era joenessa perd poder adquisitiu, un 37% enes darrèrs set ans segontes darrèrs estudis, en salaris e contractes precaris, e que, de contunhar atau pòden estar ipotecant eth sòn futur e era sua vielhesa? An entès que se deman, era joenessa, està pitjor, qu’auè, serà perquè aquera “gent carca” les ipotèque eth sòn futur, auè? Poderia contunhar hènt preguntes e demoraria sense respòstes.

E coma fustracion e amagatalh, enes pròplèus eleccions, aquera “gent carca”, se refugiarà en proteccionisme mès extrem, en populisme mès “cool” e en “postureo” dera provocacion. Toti aqueri ac haràn en tot defensar es elements mès primitius dera raça humana sense evolucion. Aquerò ei covardia.